వృథా!!!: - డా ప్రతాప్ కౌటిళ్యా.

ఎడారిలో ఉండి 

రుతుపవనాల కోసం ఎదురుచూడడం. 

రంగురాళ్లు అమ్ముకునే వారి దగ్గర 

వజ్రం కోసం వెతకడం-వృధా. 

బండరాళ్ల కోసం 

గుండెలు పగిలేలా ఏడవడం 

అందుల ముందు 

అందం ప్రదర్శించడం-వృధా. 

సింహాసనం వేసి 

సింహాన్ని కూర్చోబెట్టడం 

దాచి పెట్టిన అందాలను 

అద్దం ముందు బయట పెట్టడం-వృధా 

సముద్రాన్ని భూమిపై దాచిపెట్టడం 

కఠిన శిలను కారుణ్యమూర్తిగా కొలవడం 

అగ్నిగుండంలో 

అఖండ దీపం వెలిగించడం-వృధా 

ఎండిన మొద్దుపై చిగురు లాంటి 

చిరునవ్వును పూయించడం 

నక్షత్రాల కోసం పగలును కోల్పోవడం 

వృధా. 

కొయ్య బొమ్మలతో చేయి కలపటం 

మైనం బొమ్మల మాయలో పడటం 

రక్త మాంసాలు లేని అస్తిపంజరాన్ని 

గాలితో నింపడం -వృధా!!!

===================================

డా ప్రతాప్ కౌటిళ్యా పాలెం నాగర్ కర్నూల్ జిల్లా బిజినేపల్లి మండలం శ్రీ శ్రీ కళావేదిక గౌరవాధ్యక్షుడు.