పేపరు బాయ్: - వరుకోలు లక్ష్మయ్య -తెలుగు భాషోపాధ్యాయులు-ZPHSబక్రిచెప్యాల

పొద్దున్నే లేచెనురా 

పేపర్ బాయ్ వచ్చెనురా

దినపత్రికలు తెచ్చెనురా 

వాకిట్లో వేసెనురా!

గాలి వాన వచ్చినా 

వెనుదిరిగి పోడురా

ఎండవేడి,చలికిని

ఎన్నడు చలియించడురా! 

చిన్నవాడే అయినను 

చక్కగా పనిచేయురా 

పని యంటే జంకడు

పరుగును లంఘిస్తడు

వీధి వీధి తిరుగురా 

పేపర్లను పంచురా 

ప్రపంచ సంగతులను 

పట్టుకొచ్చి ఇచ్చునురా 

పేపర్ బాయ్ సేవలను 

మెచ్చుకొనెదమందరము 

ధన్యవాదములు చెప్పి 

ధన్యులము అవ్వుదాము.