1.ఎన్నో కన్నులు నాకున్నవి
స్వరాలను అవి మేస్తున్నవి
నా గానమే అతి మధురం
పాడునులే ఇక మీ అధరం !
2. గుండ్రంగానే ఉంటా
కదలకుండా కూకుంట
రొట్టెలతోనే నా దోస్తీ
రెట్టలతోనే నా కుస్తీ !
3. గాలిలో ఎగురుతూ ఉంటా
భూమిపైన దిగుతూ ఉంటా
అందరు నాలోన ఎక్కేస్తారు
దేశ విదేశాలిక చుట్టే స్తారు !
4. నీళ్లతోనే నా యొక్క పంట
మీకుండదులే ఇక ఏ తంట
అన్నేసి నన్నేసి ఇక చూడు
రుచులుంటాయ్ మీ తోడు !
5. గాలే ఇక నాకు ఆహారం
మైదానంలో నా విహారం
రెండే నాకున్నవి గిల్లలు
ఆ గిల్లల నిండా పుల్లలు !
6. మీ కాళ్ళతో నన్ను తొక్కుతరు
దుస్తులతోని ఎక్కుతరు
బాగా దుస్తులు కుట్టేస్తా
వేగా డబ్బులు పట్టిస్తా !
7. ఉన్నచోటనే నేను ఉంటా
ఉట్టికి ఇక ఎగరలేనని అంటా
చిత్రాలను ఇక చూపిస్తుంటా
వార్తలు మీకు వినిపిస్తుంటా
8. పళ్ళను కలిగి ఉంటుంది
నోరు అసలే ఇక లేదంటది
చెక్కలతో చేస్తది అది దోస్తీ
చెక్కలపొడియే దాని ఆస్తి !
9. కన్ను ఒకటే దానికి ఉంది
తల మాత్రమే తను లేదంది
దారమే దానికి ఇక ఆధారం
దుస్తులు కానేకావిక భారం !
10. పచ్చ పచ్చని పెట్టలో ఉంటా
మెచ్చేలా నేను విచ్చుకుంటా
తెచ్చుకోనిక మీరొస్తారంటా
కచుక్కున నే గుచ్చుకుంటా!
జవాబులు
#######
1.) మురళి. 2).రొట్టెల పీట.
3). విమానం. 4) ఉప్పు.
5).. సైకిల్. 6). కుట్టు మిషన్.
7). టీవీ. 8). రంపం.
9). సూది. 10). మొగిలి పువ్వు.
addComments
కామెంట్ను పోస్ట్ చేయండి