చక్కని మాట - చూడదగ్గ పూదోట: - ఋష్యశృంగు ఢిల్లేశ్వరరావు (ఋష్యశ్రీ)- సారవకోట

చక్కని మాట - చూడదగ్గ పూదోట

వికసించాలి ఇంటింట, ప్రతిచోట

మాట మృదువుగా ఉండాలి.

మాట మధురంగా ఉండాలి.

మాట మనసును గెలవాలి.

మాట మనుషులను కలపాలి.

చక్కని మాట - చూడదగ్గ పూదోట

వికసించాలి ఇంటింట, ప్రతిచోట

మాట మనిషిని చేయాలి.

మాట మహిమ అవ్వాలి.

మాట హత్తుకునేలా పలకాలి..

మాట ఎత్తుకునేలా చూడాలి.

మాట తీసుకునేలా పిలవాలి..

మాట పెనవేసుకొనేలా నిలవాలి.

చక్కని మాట - చూడదగ్గ పూదోట

వికసించాలి ఇంటింట, ప్రతిచోట

మాట ఓదార్పు కావాలి.

మాట ఓర్పుగా ఉండాలి..

మాట మైమరపు నివ్వాలి.

మాట మైకం అవ్వాలి.

మాట మమేకం కావాలి..

చక్కని మాట - చూడదగ్గ పూదోట

వికసించాలి ఇంటింట, ప్రతిచోట

మాట మంత్రమవ్వాలి.

మాట మాటలాడాలి..

మాట మేలు చేయాలి.

మాట మదిలో నిలపాలి.

చక్కని మాట - చూడదగ్గ పూదోట

వికసించాలి ఇంటింట, ప్రతిచోట

మాట మమత  కావాలి..

మాట మనతో మెలగాలి.

మాట మహిలో నిలవాలి..

చక్కని మాట - చూడదగ్గ పూదోట

వికసించాలి ఇంటింట, ప్రతిచోట