తెనుగు..!!: - డా ప్రతాప్ కౌటిళ్యా.

తెలంగాణ తెలుగు భాషా దినోత్సవం.!!

పాలపై తేలియాడే మీగడ 

తామరాకుపై నీటి బిందువు

మురళిలో రాలే గాలి 

మేఘం రాల్చే ఆనంద భాష్పాలు -

తెలుగు.

మైదానం ధనం పచ్చదనం 

గడ్డిపరకపై మెరిసే నీటిముత్యం 

కొండల్లో ప్రతిధ్వని ధ్వని 

అంతరంగం తరంగం -తెలుగు..

అమ్మ పాల అమృతం 

స్వచ్ఛమైన పూల పరిమళం 

సెలయేరులో పారే నీరు 

భూగోళమంతా వీచే గాలి -తెలుగు. 

గుండెల్లో పారే ఎర్రని రక్తం 

మల్లె పూల కనిపించి కరిగే మంచు 

స్వేచ్ఛగా ఎగిరి పక్షి రెక్కలు 

వీణ తీగల వాణి -తెలుగు...

పెదాలపై దొర్లే పదాలు 

ఆకుపచ్చ చిలుక పలుకులు 

చిక్కని నీలిరంగు ఆకాశం 

ఎర్రబడ్డ తూర్పు దిక్కు పచ్చబండ పరమర దిక్కు -

మా తెలుగు...

=====================================

తెలంగాణ తెలుగు భాషా దినోత్సవం శుభాకాంక్షలు. 

=====================================

డా ప్రతాప్ కౌటిళ్యా.