విజయ శిఖరాలు అధిరోహించాలి- బి.ఉషారాణి-మంచిర్యాల

కలలు కంటే సరిపోతుందా

నిజం చేసుకునేందుకు

చాలా ప్రయత్నం అవసరం కదా

గమ్యం చేరాలనే ఆరాటం తో

నిరంతరం శ్రమ చేస్తూ

అవరోధాలతో పోరాటం చేయాలి.

జీవితం చిన్నదే అయినా

బ్రతుకు మూడు నాళ్లే అయినా

మనకంటూ ఓ లక్ష్యం ఉండాలి.

ఎత్తుపల్లాలను అధిగమిస్తూ

ఎదురయ్యే సంకటాలను ఎదుర్కొంటూ

గెలుపు కోసం ప్రయాణించాలి.

పట్టుదలతో ముందుకు సాగుతూ

సంకల్పాన్ని దృఢం చేసుకుంటూ

కలలకు రెక్కలిచ్చి గగనాన్ని తాకాలి.

మనను మనం నిరూపించుకుంటూ

మానవత్వాన్ని నిలుపుకుంటూ

విజయశిఖరాలను అధిరోహించాలి.