వల్లాల ఆదర్శ పాఠశాలలో తెలంగాణ తెలుగు భాషా దినోత్సవం

 

శాలిగౌరారం మండల పరిధిలోని వల్లాల ఆదర్శ పాఠశాలలో బుధవారం  తెలంగాణ తెలుగు భాషా దినోత్సవాన్ని ఎంతో ఘనంగా నిర్వహించారు ఈ కార్యక్రమంలో తెలుగు ఉపాధ్యాయులు కేతేపల్లి శ్రీను, కుక్కడపు శ్రీనివాసు,తండు ఆంజనేయులు మాట్లాడుతూ.... 
సెప్టెంబర్ 09 తేదిని మన తెలంగాణ రాష్ట్ర ప్రభుత్వం కాళోజీ నారాయణరావు జయంతిని, తెలంగాణ తెలుగు భాషా దినోత్సవంగా ప్రకటించిందని తెలియజేశారు.
మన తెలంగాణ 
యాస అంటే మన గౌరవం, 
భాష అంటే మన అస్తిత్వ
సంస్కృతి అంటే మన ఆత్మ
అదే విధంగా 
కాళోజీ గారు కేవలం కూర్చొని కవితలు రాసిన కవి కాదు.
ప్రజల సమస్యల కోసం రోడ్డుమీదకు వచ్చిన కవి.
అన్యాయాన్ని ప్రశ్నించిన కవి.
అధికారాన్ని నిలదీసిన కవి.
ప్రజల హక్కుల కోసం పోరాడిన కవి.
కాళోజీ గారి జీవితం ఒక పుస్తకం అయితే, ఆ పుస్తకంలోని ప్రతి పేజీ ప్రజల కోసం చేసిన పోరాటంతో నిండి ఉంది.
ఒక సిరా చుక్క లక్ష మెదళ్ళ కదలిక
కాళోజీ గారిని మనం “ప్రజాకవి” అని పిలుస్తాం.
ఎందుకంటే ఆయన కవిత్వం రాజభవనాల కోసం కాదు.
అది సామాన్య ప్రజల కోసం.
రైతు కోసం…
కార్మికుడి కోసం…
పేదవాడి కోసం…
అణగారిన వర్గాల కోసం…
అన్యాయానికి గురైన వారి కోసం రాశారు 
కాళోజీ గారి అత్యంత ప్రసిద్ధ రచనల్లో “నా గొడవ” ఒకటి.
“నా గొడవ” అంటే కేవలం కాళోజీ వ్యక్తిగత గొడవ కాదు.
ప్రజల గొడవ…
సమాజం గొడవ…
అన్యాయంపై గొడవ…
అవినీతిపై గొడవ…
అసమానతపై గొడవ.
అందుకే ఆయన తన గొడవను ప్రజల గొడవగా మార్చుకున్నారు.
సమాజంలో తప్పు కనిపిస్తే మౌనంగా ఉండటం ఆయనకు ఇష్టం లేదు.
“తప్పును తప్పు అని చెప్పాలి” అనే ధైర్యం కాళోజీ లో ఉందని 
ఆయన రచనలు మనకు వినోదాన్ని మాత్రమే ఇవ్వవు.
ఆలోచింపజేస్తాయి.
ప్రశ్నించమంటాయి.
చైతన్యపరుస్తాయి.
సమాజం పట్ల బాధ్యతను గుర్తు చేస్తాయని 
కాళోజీ గారి కలం మనకు ధైర్యం నేర్పింది.
ఆయన కవిత్వం మనకు చైతన్యం నేర్పింది.
ఆయన జీవితం మనకు మానవత్వం నేర్పింది.
ఆయన భాష మనకు మన మూలాలను గుర్తుచేసిందని 
తెలుగు ఉపాధ్యాయులు విద్యార్థులకు వివరించడం జరిగింది 
ఈ కార్యక్రమంలో పాఠశాల ఇంచార్జీ ప్రిన్సిపాల్ సంపత్ కుమార్ మరియు ఉపాధ్యాయులు కృష్ణయ్య, సత్యనారాయణ, సృజన సంగీత,సంధ్య, అనూరాధ,శ్వేత, శ్రీరాములు,రవి,జేబున్నీస,యూనస్, సువర్ణ,శివ,రాధ, కొమురయ్య,పావని, సంధ్య తదితరులు పాల్గొన్నారు